Caeterum adstabant iuxta crucem Iesu, Maria mater eius, et huic adhaerens soror Maria Cleophae filia, una cum Maria Magdalene.

26 Iesus igitur de cruce conspiciens matrem suam, simulque discipulum, quem caeteris familiarius dilexerat, ne quid affectus humani relinqueret in terris, quemadmodum distributis vestibus, rerum nihil reliquerat, versus ad matrem, ait: Mulier ecce filius tuus, capitis et oculorum nutu discipulum designans.

27 Mox ad discipulum versus: Ecce, inquit, mater tua. Atque ex eo tempore discipulus ille suscepit erga Iesu matrem affectum filii, per omnia curam illius agens.