Andrew composed an epistle Heroides style in elegaic couplets adressed to Achilles in the person of Patroclus. Very well written! Not only is it in meter, but the rhetorical force is palpable in many of the lines appealing to Achilles’ various motivations. Worth the read:

fidus magnanimo scribit Patroclus Achilli
qui violenta agitat pectore facta suo.
“mittere scripta tibi raptim breviterque necesse est;
hic stilus exsistat maior ac arma mihi.
Hector enim saevo iam navibus igne minatus;
accidet, Aiacem si superare queat.
scilicet egregium nequissimus ille Mycenae
te rex dedecorat: fas tibi facta queri.
sed demus cuncti poenas pro regis inani
forte supercilio? non decet esse ferum.
optime tu Danaum, ne me comitesque relinquas
neu delere sinas Hectora, dure, rates.
nam Teucrorum acies Agamemnoniosque cohortes
caraque prosternent agmina Myrmidonum.
vita carior es nobis, dilecte sodalis,
vita erit et comitum pluris honore tibi?
tune sedens castris adipisci praemia possis?
segnes ira facit, tu properate, pedes.
sic tibi fata dei vatesque oracula mandant:
gloria per pugnas ense merenda tuo est.
si nunc mente cares, si nunc tibi nulla cupido est,
huius tu memor es – turba secunda manet.
splendida dona petunt alii laudesque decoras,
cum Diomede et cum mentis Ulixe vafrae
Aiax armipotens, Menelaus et ipse Agamemnon,
Idomeneusque adsunt; tu modo cedis adhuc.
filius et poterit patrias excedere famas;
num sic mersit aqua corpora diva parens?
et cum Peleus audierit te sanguine natum
te fecisse nihil, te tenuisse torum,
rere quid esse locuturum, quem fessa senectus
impedit a bello sola neque ipse dolor.
denique nunc quid avus de te proavusque loquantur
Aeacus et divom Iuppiter ipse pater?
forte ego dilecto tibi sim graviora locutus;
pectus onus bilis maestitiaeque gravat.
admonui oppressus lacrimis mersusque dolore.
si tibi displiceat vox mea, parce mihi.”