Iuno succensa et haec omnia in animo meditata ad Aeoliam nimborum ventorumque patriam se confert. Hīc rex Aeolus vasto in antro tempestatibus repugnantibus in carcerem coniectis imperat. Illae indigne ferentes quod carcere cohibeantur, fremunt magno cum murmure montis. Aeolus interim alta in arce sedet sceptrum tenens imperio suo moderans quod nisi assidue advigilet, venti in mare caelumque inruant ad ea turbandum.

Sed pater Iovis ne hoc acciderit, illas in antro abdidit insuper montem imposuit instituitque Aeolum regem qui illis stringere et laxare habenas sciret. Juno dehinc supplex Aeolum appellat hunc ad modum: “Aeole cui pater Iovis dedit excitandi et ventos cohibendi facultatem, gens mihi invisa, Teucri, etiamnum Tyhrrhenum mare navigat et secum victos penates portant. Excita tuos ventos ad classem submergendam, aut age naves diversas et disiice corpora. Sunt mihi quidem quattuordem nymphae filiae quarum unam tibi spondeam pulcherrimam Deiopeam. In omni vita conubio stabili suavis tecum habitet pro meritis talibus quae et pulchra prole te faciat felicem parentem.

Cui respondet Aeolus: “Tuum est, o regina, explorare quid velis. Meum contra iussa capessere tua. Nam tu hoc regnum sceptra Iovemque mihi concilias et sinis me accumbere in divorum conviviis. Me facis horum regem omnium.

Haec ubi dixit, monti cavo latus sceptro converso percutit, portamque dedit qua venti veluti agmine facto eruunt et terras turbine petunt. Incumbunt mari et a sedibus imis vastos fluctus procellis volvunt et Eurus Notusque et Africus.

Insequitur clamorque virorum stridorque rudentum. Evanescit prae Teucrorum oculis caelum occupantibus in vicem nubibus. delabitur nox atra et supra mare cubat. caelum intonat et crebris micat fulguribus. Adventat viris praesens mors.

Subito Aeneas ob frigus viribus defectus sustulit in sidera palmas et haec dicta dat: “o terque quaterque beati quibus ante ora patrum sub altis moenibus Troiae contigit mortem obire. O Tydide Diomedes, fortissime Danae. Mene vere in Iliacis campis interficere non potuisti, ubi saevus iacet Hector Achillis telo percussus, ubi ingens Sarpedon, ubi Simois correpta sub undis virorum scuta galeasque et fortia corpora volvit?